Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
АКШ илчесе Татарстан турында: Мин бу сәфәрне беркайчан да онытмаячакмын
Джон Хантсман Казанга якшәмбе кичендә килде.
(Казан, 27 февраль, «Татар-информ», Рөстәм Килсинбаев). АКШның Россиядәге илчесе Джон Хантсман Казан дәүләт медицина университеты вәкилләре һәм төбәк гаммәви мәгълүмат чаралары журналистлары белән очрашуда Татарстанга сәфәреннән алган хис-кичерешләр хакында сөйләде.
«Бу – минем Татарстан Республикасына тәүге сәфәрем, моңа кадәр дә әлеге төбәкнең кунакчыллыгы турында ишетеп белә идем. Илче вазифасын башкарганчы, Ford Motors компаниясе директорлар советында эшләдем. Ford Татарстан Республикасында иң зур инвесторлардан санала», - дип искәртте дипломат.
Джон Хантсман Казанга якшәмбе кичендә килде. Дипломат ТР Президенты Рөстәм Миңнеханов белән очрашты, Казан дәүләт медицина университеты һәм Казанның 3нче җылылык электр үзәгендә булды.
«Мин Татарстанда ике көнгә якын булдым һәм бу төбәкнең кунакчыллыгы, инновацион идеяләр, республикада ирешелгән уңышлар хакында күп нәрсәләр белдем. Мин бу сәфәрне беркайчан да онытмаячакмын», - дип сүзен йомгаклады Джон Хантсман.
"Татар-информ" АКШның Россиядәге илчесе Джон Хантсман КФУ студентлары һәм укытучылары белән очрашты, дип хәбәр иткән иде.
"Сегодня я потрясающе провел первый день моего первого визита в Казань, где я рад видеть, что давние традиции прямых контактов между народами США и России по-прежнему сильны." pic.twitter.com/cBySivpYMo
— Посольство США в РФ (@USEmbRu) 26 февраля 2018 г.
Публикация от Посольство США в РФ (@usembru)
Кызыклы яңалыкларны күзәтеп бару өчен Телеграм-каналга язылыгыз