Сәясәт 18 ноябрь 2024 11:09

АКШ, Британия, Франция Украинага еракка атучы ракеталар белән Россиягә һөҗүм рөхсәт итте

Скопировать ссылку

Америка Кушма Штатлары, Бөекбритания һәм Франция Украинага ерак арага ата торган ракеталар белән Россия территориясенә эчкәрәк һөҗүм ясарга рөхсәт итте. Бу хакта The New York Times һәм Le Figaro яза.

The New York Times чыганаклары мәгълүматы буенча, АКШның хәзерге президенты Джо Байден Американың ATACMS оператив-тактик баллистик ракеталары белән Россиягә һөҗүм ясауны рөхсәт итәргә карар кылган. Бу Корея Халык Демократик Республикасыннан хәрби хәрәкәтләрдә катнашу өчен хәрбиләрне җибәрү ихтималы белән бәйле.

Вазифаи затлар аңлатканча, мөгаен, ерак арага ата торган ракеталар башта Россиянең Курск өлкәсе территориясенең бер өлешен алган Украина көчләренә ярдәм итү өчен кулланылачак. Шул ук вакытта алар Байден ATACMS ракеталарын башка урыннарда да кулланырга рөхсәт итә ала, дип ачыклык кертте.

Америка түрәләре NYT газетасына хәрби хәрәкәтләр барышының тамырдан үзгәрүен көтмәүләрен белдерде. Әмма, аларның сүзләренчә, Төньяк Кореягә аларның гаскәрләре көчсез һәм аларга Россиягә ярдәмгә үз көчләрен җибәрергә кирәкми дигән сигнал бирү максатларның берсе булып тора.

Үз чиратында Reuters агентлыгы ачыклык керткәнчә, Украина Американың ерак арага ата торган ракеталары белән якын көннәрдә үк Россия территориясенә һөҗүм итәргә мөмкин.

Бөекбритания һәм Франция АКШ артыннан ук Россия территориясенә ерак арага ата торган ракета белән һөҗүм итүгә чикләүләрне бетерде, дип язган Le Figaro газетасы (чыганакларга сылтамасыз). Шул рәвешле, хәзер Украина Кораллы көчләре мондый һөҗүмнәр өчен авиация базасында җитештерелгән Storm Shadow / SCALP канатлы ракеталарын куллана алачак. Бу турыда «Татар-информ» яза.

Сәхифәләр

АКШ, Британия, Франция Украинага еракка атучы ракеталар белән Россиягә һөҗүм рөхсәт итте