«Әкият» татар дәүләт курчак театры белән Брянск өлкә театры гастрольләр алмаша
«Әкият» татар дәүләт курчак театры белән Брянск өлкә театры алмаш гастрольләр үткәрә. Гастрольләр 20-24 сентябрь көннәренә билгеләнгән.
«Әкият» татар дәүләт курчак театры гастрольләргә өч спектакль алып бара. Брянск тамашачысы рус халык әкияте буенча куелган «Волк и семеро козлят», Валентин Катаевның «Цветик-семицветик» һәм Евгений Шварцның «Золушка» романтик әкиятен карый алачак», дип хәбәр итә театрның матбугат үзәге.
Брянск курчак театры Казан тамашачысы һәм шәһәр кунакларына Ганс Христиан Андерсенның «Пастушка и трубочист», Борис Шергинның «Волшебное кольцо» һәм Корней Чуковскийның «Мойдодыр» курчак спектакльләре тәкъдим итәчәк.
Алмаш гастрольләр «Большие гастроли» федераль программасы кысаларында үтә. «Әкият» татар дәүләт курчак театры бу программады җиденче ел катнаша.