«Әкият» курчак театрының «Мырау батыр» спектакле Ижевскида театр фестивалендә катнаша
«Әкият» курчак театры 2-5 сентябрь көннәрендә узачак «ТУК-фест» театры фестивалендә катнаша.
«Артистлар кичә Удмуртиянең Дәүләт милли театры сәхнәсендә Нәкый Исәнбәт әкиятенә нигезләнеп куелган данлыклы «Мырау батыр» спектаклен күрсәтте», дип хәбәр итә театрның матбугат үзәге.
«Мырау батыр» спектакленең режиссеры — Илгиз Зәйниев, куючы рәссамы – Екатерина Спиридонова, композитор – Миләүшә Хәйруллина, хореограф – Сәлимә Аминова.
Удмуртиядә 2 – 7 сентябрь көннәрендә «ТУК-фест» театр фестивале беренче тапкыр үтте. Төрле жанрлардагы спектакльләр коллажы «Мәдәният» милли проекты кысаларында үтә. Спектакльләр ике шәһәрдә – Ижевскида һәм Глазовта күрсәтелә.
Фестивальдә 12 театр коллективы катнаша. Татарстаннан бердәнбер катнашучы – «Әкият» курчак театры.