news_header_top_970_100
news_header_bot_970_100

«Әкият» курчак театры Түбән Новгород гастрольләрендә җирле татарлар белән очрашкан

«Әкият» курчак театры Түбән Новгород гастрольләрендә җирле татарлар белән очрашкан

«Әкият» Татар дәүләт курчак театры коллективы Түбән Новгородта үткән гастрольләре вакытында биредә яшәүче татарлар белән очрашты.

«Театрны Түбән Новгород өлкәсе татарларының милли мәдәни автономиясе башкарма директоры Тимур Шәрәфетдинов сәламләде. Ул татар телендә яңгыраячак спектакльне түземсезләнеп көтүләрен, бу алар өчен зур вакыйга булуын әйтте», - дип хәбәр итә театрның матбугат үзәге.

Курчак театры биредә яшәүче татарлар өчен Габдулла Тукайның «Кәҗә белән сарык» әкиятен алып килгән.

Театр Түбән Новгород өлкәсендә 50 меңнән артык татар яшәвен искәртеп үтә. «Коллектив кая гына гастрольләргә бармасын, җирле татарлар белән очрашырга тырыша. Магнитогорскида да, Көньяк-Сахалинда да, Барнаулда да, Хабаровскида да татарлар белән күрешә алдык», диелә хәбәрдә.

news_right_column_1_240_400
news_right_column_2_240_400
news_bot_970_100