Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Академик Гинцбург: Пациентлар яман шештән мРНК-вакцинаны көз башында ала башлаячак
Пациентлар яман шешкә каршы Россиядә җитештерелгән мРНК-вакцинасын эксперимент режимында сентябрь ахырында – октябрь уртасында ала башларга мөмкин. Бу хакта Н. Ф. Гамалея исемендәге эпидемиология һәм микробиология илкүләм тикшеренү үзәге директоры Александр Гинцбург хәбәр итте.
«Гамәлдәге эш планы буенча, әгәр ул тулы күләмдә тормышка ашырылса, меланомалы онкологик авыруларның беренче партиясе якынча ике айдан соң бу препаратны алырга мөмкин. Ягъни, бу сентябрь ахыры – октябрь уртасы, шушы чор эксперимент режимы була», – диде ул Казан федераль университетында мРНК-технологияләрне үстерү фәнни-технологик үзәкнең фәнни-техник советы утырышында. Бу хакта РИА Новости яза.
Шулай ук ул, уңай нәтиҗәләр булган очракта, мРНК-вакциналар технологиясе ракның башка формаларын дәвалау өчен дә киңәйтелергә мөмкин. Гинцбург сүзләренчә, мутацияләр саны күпкә азрак булган авырулар бик күп, мәсәлән, ашказаны асты бизе, простата рагы, бөердәге кайбер төр яман шешләр.
Кызыклы яңалыкларны күзәтеп бару өчен Телеграм-каналга язылыгыз