«Ак Барс»ның башкарма директоры «Татар-информ» агентлыгын 35 еллыгы белән котлады
Скопировать ссылку
«Татнефть – Ак Барс» спорт-коммерция предприятиесе» ҖЧҖ башкарма директоры Мансур Усманов «Татар-информ» мәгълүмат агентлыгын 35 еллык юбилее белән тәбрик итте.
«Ак Барс» хоккей клубы исеменнән сезне һәм «Татар-информ» мәгълүмат агентлыгы коллективын 35 еллык юбилеегыз белән котлыйм. Өч дистә ел эчендә «Татар-информ» мәгълүмат агентлыгы Татарстан медиа киңлегенең төп уенчыларыннан берсенә, республика тормышы турында оператив мәгълүмат чыганагына әверелде. Сезгә һәм коллективка иҗади күтәренкелек, яңа проектлар, кыю карарлар һәм аудиториянең артуын телим», - диде Усманов.
Артур Гизатуллин