«Ак Барс»ның 27 уен дәвамында гол кертә алмаган һөҗүмчесе Станислав Галиев дубль ясады
Бүген Казанның «Ак Барс» хоккейчылары Хабаровск шәһәренең «Амур» командасын 4:2 исәбенә җиңде. Матч Казанда «Спорт сарае»нда узды.
Беренче период. Җиденче минутта исәп «Амур» файдасына ачылды, алка «Ак Барс» сакчысы тимераягына тиеп керде, гол Ян Дрозг исеменә язылды (0:1).
Икенче период. Тугызынчы минутта «Ак Барс» һөҗүмчесе Станислав Галиев исәпне тигезләде (1:1). Станислав Галиев 27 уен дәвамында гол кертмәгән иде. Ундүртенче минутта Максим Быков Казан командасын алга чыгарды (2:1).
Уналтынчы минутта Станислав Галиев, үзенең икенче алкасын кертеп, дубль ясады (3:1). Унсигезенче минутта Кирилл Семёнов гол кертте (4:1).
Өченче период. Унөченче минутта «Амур» азчылыкта уйнаса да, Кирилл Слепец Казан командасы капкасына гол кертте (4:2).
Командалар составы:
«Ак Барс»
- Билалов (Мифтахов);
- Галиев – Семёнов – Кошелев, Князев – Войнов;
- Барбер – Шипачёв – Петров, Лчевников – Миллер;
- Кагарлицкий – Сафонов – Галимов, Журавлёв – Марченко;
- Быков – Кателевский – Дыняк, Лямкин.
«Амур»
- Лозебников (Калниньш);
- Дрозг – Броадхёрст – Хохлачёв, Рылов – Гуркин;
- Бочаров – Барулин – Капустин, Балдаев – Щемеров;
- Панюков – Гыйздәтуллин – Слепец, Кулик – Спиценко;
- Грецкий – Коротких – Колесников (Макаров), Рыжиков.
«Ак Барс»ның киләсе уены да Казанда «Спорт сарае»нда узачак. «Адмирал» командасына каршы матч 26 февральдә 19:00 сәгатьтә башлана.