Спорт 29 сентябрь 2016 06:18

"Ак Барс" үз бозында финнарның "Йокерит" командасын җиңде

Исәп казанлылар файдасына 4:2

Скопировать ссылку

(Казан, 29 сентябрь, "Татар-информ", Сергей Гаврилов). Кичә "Ак Барс" үз бозында Финляндиянең "Йокерит" командасын кабул итте һәм 4:2 исәбе белән җиңде.

Минск "Динамо"сына җиңелгәннән соң "Ак Барс"ның тренерлык штабы бер мөһим күчереш ясады - Станислав Галимовны Эмиль Гарипов алыштырды.

Уен башлануга 10 секунд үтүгә, Казан командасыннан Джастин Азеведо шайбаны капкага юллады - исәп 1:0. Финнар җавап бирде, шайбаны Михаэль Керянен кертте - исәп 1:1.

Өченче шайбаны кертүдә "Ак Барс" капитаны Александр Свитов тырышлык куйды - 2:1. Кунаклардан өченче уенчыны алганнан соң, исәп 3:1гә җитте. Иржи Секач оста булды.

Шуннан соң 63 секунд дәвамында хоккейчылар бишкә өч форматында уйнадылар. Тигез составлы килеш уйнаганда, Андрей Чибисов гол кертте - 4:1. Финнар Степан Захарчукны алганнан соң исәпне 4:2гә китерде.

30 сентябрь көнне барслар үз бозында Риганың "Динамо" командсын кабул итәчәк.

«Ак Барс» – «Йокерит» – 4:2 (1:0, 1:1, 2:1)

Шайбаларны керттеләр: Азеведо (15), Свитов (37), Секач (42), Чибисов (48) – Керянен (31), Йоэнсуу (53)

Штраф: 12 –10

#Ак Барс #хоккей

Сәхифәләр

"Ак Барс" үз бозында финнарның "Йокерит" командасын җиңде