«Ак Барс» хоккейчылары Шанхай командасы капкасына дүрт алка кертте һәм җиңде
Кичә Казанның «Ак Барс» хоккейчылары Шанхайның «Драконы» командасын 4:1 исәбе белән җиңде. Уен Казанда узды.
Беренче периодның уникенче минутында «Ак Барс» һөҗүмчесе Дмитрий Кателевскийның голы белән исәп ачылды (1:0).
Икенче периодның тугызынчы минутында Артур Бровикин гол кертте (2:0).
Өченче периодның унөченче минутында Илья Сафонов, Шанхай командасы капкасына өченче алка кертеп, исәпне 3:0 итте. Периодның соңгы минутында «Драконы» уенчысы Трой Джозевс гол кертте, исәп 3:1 булды. Уен тәмамланырга биш секунд калганда, Никита Дыняк алканы Шанхай командасының буш капкасына кертте (4:1).
Командалар составы:
«Ак Барс»
- Билалов (Арефьев);
- Барабанов – Семёнов – Яшкин, Лямкин – Миллер;
- Хмелевский – Сафонов – Галимов, Карпухин – Марченко;
- Алистров – Фисенко – Денисенко, Фальковский – Лучевников;
- Дыняк – Кателевский – Бровкин (Җамалтдинов).
«Драконы»
- Рибар (Тихомиров);
- Меркли – Куинни – Лабанк, Калинюк – Кленденинг;
- Вагнер – Спунер – Чезганов, Харпур – Райлли;
- Джозефс – Саттер – Фу, Валенцов – Брынцев;
- Акользин – Бурмистров – Попугаев.
3 декабрьдә «Ак Барс» Казанның «Татнефть Арена» боз сараенда Чиләбенең «Трактор» командасы белән очраша. Матч 19:00 сәгатьтә башлана.