«Ак Барс» хоккейчылары «ретро-матч»та җиңде
Бүген Казанның «Ак Барс» хоккей командасы Магинтогорск шәһәренең «Металлург»ын 2:1 исәбе белән җиңде. Уен Казанда «Спорт сарае»нда узды.
Әлеге матчта уенчылар ретро-формадан иде. Ретро-матч «Ак Барс»ның 2005-2006 елларда «Спорт сарае»нда үткәргән соңгы сезонына багышланды.
Беренче периодның унҗиденче минутта «Ак Барс» һөҗүмчесе Семён Кошелев гол кертте (1:0).
Икенче периодның өченче минутында «Металлург» уенчысы Никита Михайлис исәпне тигезләде (1:1). Җиденче минутта алка тагын «Ак Барс» капкасына керде, тик капкачыга комачау иткәннәре аркасында гол исәпкә алынмады.
Өченче периодның уналтынчы минутында «Ак Барс» капитаны Александр Радулов гол кертте (2:1).
Командалар составы:
«Ак Барс»
- Билалов (Мифтахов);
- Петров – Кателевский – Дыняк, Юдин – Миллер;
- Галимов – Сафонов – Радулов, Журавлёв – Войнов;
- Галиев – Семёнов – Кошелев, Адамчук – Лямкин;
- Кагарлицкий – Шипачёв – Барбер, Марченко.
«Металлург»
- Набоков (Подскребалин);
- Акользин – Зернов – Карпов, Яковлев – Пресс;
- Михайлис – Юров – Петунин, Маклюков – Ерёменко;
- Вовченко – Гераськин – Гребёнкин, Орехов – Минулин;
- Силантьев – Джонсон – Канцеров (Квартальнов), Гололобов.
«Ак Барс»ның киләсе уены Мәскәүдә узачак. «Спартак» командасына каршы матч 17 февральдә 17:00 сәгатьтә башлана.