«Ак Барс» хоккейчылары җиңде, Гагарин кубогы өчен көрәш дәвам итә
Скопировать ссылку
Бүген «Ак Барс» - ЦСКА плей-офф сериясенең бишенче уенында җиңүне Казан хоккейчылары яулады. Матч исәбе – 2:1. Уен Казанның «Татнефть Арена» боз сараенда узды.
- Казанның «Ак Барс» һәм Мәскәүнең ЦСКА командалары Гагарин кубогы өчен көрәшнең финалында көч сынаша. Гагарин кубогын дүрт җиңү яулаган команда отачак. Хәзергә «Ак Барс» исәбендә ике җиңү, ЦСКАда – өч.
Беренче периодның соңгы секундларында ЦСКА һөҗүмчесе Прохор Полтапов исәпне ачты (0:1).
Икенче периодның соңгы минутында, «Ак Барс» күпчелеге вакытында, команда капитаны Александр Радулов исәпне тигезләштерде (1:1).
Өченче периодның бишенче минутында «Ак Барс» дүрт минутка азчылыкта калды, тик Казан хоккейчылары капкаларын алка керттермичә саклый алды. Унөченче минутта «Ак Барс» һөҗүмчесе Станислав Галиев команданы алга чыгарды (2:1).
Командалар составы:
«Ак Барс»
- Билалов (Мифтахов);
- Воронков – Сафонов – Радулов, Юдин – Войнов;
- Кагарлицкий – Шипачёв – Петров, Адамчук – Лямкин;
- Галиев – Семёнов – Панюков, Лучевников – Журавлёв;
- Лукоянов – Галимов – Дыняк (Терехов) Евсеев.
ЦСКА
- Рейдеборн (Шарыченков);
- Окулов – Каменев – Плотников, Классон – Нестеров;
- Мамин – Соркин – Григоренко, Дыбленко – Диц;
- Слепышев – Светлаков – Карнаухов, Провольнев – Сергеев;
- Полтапов – Мингачёв – Абрамов (Панкратов), Макаров.
Киләсе уен 27 апрель көнне Мәскәүдә узачак.