«Ак Барс» хоккейчылары, ике алканы буш капкага кертеп, Екатеринбург командасын җиңде
Бүген Казанның «Ак Барс» хоккейчылары Екатеринбургның «Автомобилист» командасын 4:1 исәбенә җиңде. Матч Екатеринбургта узды.
Беренче периодның бишенче минутында «Ак Барс» һөҗүмчесе Семён Кошелев исәпне ачты (0:1). Ундүртенче минутта, «Ак Барс» азчылыкта уйнаганда, «Автомобилист» уенчысы Брукс Мэйсек гол кертте (1:1).
Икенче периодның унбишенче минутында сакчы Даниил Журавлёв Казан командасын яңадан алга чыгарды (0:2).
Өченче период ахырында «Автомобилист» капкачысын алтынчы мәйдан уенчыгына алмаштырды, «Ак Барс» моннан файдаланып, алканы буш капкага кертә алды, гол авторы – Райли Барбер (1:3). Бер минуттан Дмитрий Кателевский да алканы шулай ук буш капкага кертте (1:4).
Командалар составы:
«Автомобилист»
- Галкин (Аликин);
- Да Коста – Волк – Мэйсек, Трямкин – Эберт;
- Макеев – Бывальцев – Широков, Баранцев – Блэкер;
- Хрипунов – Денежкин – Голышев, Леонтьев – Зборовский;
- Обидин – Романцев – Алексеев (Каштанов), Трофимов.
«Ак Барс»
- Билалов (Мифтахов);
- Кагарлицкий – Шипачёв – Радулов, Лямкин – Миллер;
- Галиев – Семёнов – Кошелев, Князев – Войнов;
- Барбер – Сафонов – Терехов, Журавлёв – Марченко;
- Лукоянов – Кателевский – Дыняк (Быков).
«Ак Барс»ның киләсе уены Омск шәһәрендә узачак. «Авангард» командасына каршы матч 26 гыйнварда 16:30 сәгатьтә башлана.