«Ак Барс» хоккейчылары Чиләбедән җиңеп кайта
Бүген Казанның «Ак Барс» хоккейчылары «Трактор» командасын 4:1 исәбенә җиңде. Матч Чиләбедә узды.
Беренче период. Җиденче минутта «Ак Барс» һөҗүмчесе Никита Дыняк гол кертте (0:1).
Икенче период. Икенче минутта, «Ак Барс» күпчелектә уйнаганда, команда капитаны Александр Радулов «Трактор» капкасына икенче алканы кертте (0:2). Сигезенче минутта Чиләбе командасы капитаны Сергей Калинин да күпчелектә гол кертте (1:2). Уналтынчы минутта Семён Кошелев «Ак Барс»ны тагын бер алкага алга чыгарды (1:3).
Өченче период ахырында, «Трактор» командасы капкачысын алтынчы мәйдан уенчсына алмаштырган вакытта, Александр Радулов алканы буш капкага кертте (1:4).
Командалар составы:
«Трактор»
- Фукале (Мыльников);
- Рыков – Ткачёв – Юртайкин, Карпухин – Телегин;
- Калинин – Сошников – Бурдасов, Яруллин – Блажиевский;
- Кравцов – Родуолд – Дер-Аргучинцев, Дронов – Антипин;
- Котляревский – Шаров – Робинсон, Щучинов.
«Ак Барс»
- Билалов (Мифтахов);
- Лукоянов – Кателевский – Дыняк, Юдин – Миллер;
- Кагарлицкий – Шипачёв – Радулов, Журавлёв – Марченко;
- Галиев – Семёнов – Кошелев, Князев – Войнов;
- Галимов – Сафонов – Петров, (Свечников).
«Ак Барс»ның киләсе уены Казанда «Татнефть Арена» боз сараенда узачак. «Сибирь» командасына каршы матч 5 февральдә 19:00 сәгатьтә башлана.