«Ак Барс» хоккей командасы Санкт-Петербургта җиңде
Бүген Казанның «Ак Барс» хоккейчылары Санкт-Петербургның СКА командасына каршы уенда җиңде. Санкт-Петербургта узган матчның исәбе – 2:3.
«Ак Барс» капитаны Александр Радулов узган уендагы кебек бүген дә уйнамады, бозда капитан вазифасын Артём Лукоянов үтәде.
Беренче период. Дүртенче минутта исәп ачылды, беренче голны «Ак Барс» уенчысы Никита Дыняк кертте (0:1). Унберенче минутта СКА хоккейчысы Арсений Грицюк исәпне тигезләде (1:1). Периодның соңгы секундларында Василий Глотов «Ак Барс» капкасына икенче алканы кертте (2:1).
Икенче период. Алтынчы минутта «Ак Барс» һөҗүмчесе Дмитрий Яшкин яңадан исәпне тигезләде (2:2). Унберенче минутта, «Ак Барс» күпчелектә уйнаганда, Дмитрий Кагарлицкий Казан командасын алга чыгарды (2:3).
Өченче период голларсыз үтте.
Командалар составы:
СКА
- Плешков (Мойсевич);
- Гальченюк – Кадейкин – Старков, Никишин – Сергеев;
- Рендулич – Глотов – Алистров, Пашнин – Земчёнок;
- Толчинский – Чивилёв – Хәйруллин, Сапего – Камалов;
- Грицюк – Бардаков – Поляков (Синяткин), Выдренков.
«Ак Барс»
- Билалов (Әхтәмов);
- Яшкин – Семёнов – Свечников, Юдин – Журавлёв;
- Кагарлицкий – Сафонов – Петров, Адамчук – Лямкин;
- Галиев – Галимов – Терехов, Лучевников – Войнов;
- Лукоянов – Кателевский – Дыняк (Быков), Вәҗиев.
«Ак Барс»ның киләсе уены Уфада узачак. «Салават Юлаев» – «Ак Барс» матчы 2 ноябрь 17:00 сәгатьтә башлана.