«Ак Барс» хоккей командасы дүрт алка керттерде һәм оттырды
Бүген Казанның «Ак Барс» хоккейчылары «Северсталь» командасына 4:1 исәбенә җиңелде. Матч Череповец шәһәрендә узды.
Беренче периодның беренче минутында ук «Ак Барс» азчылыкта калды, шул вакытта Руслан Абросимов исәпне «Северсталь» командасы файдасына ачты (1:0).
Икенче период. Бишенче минутта Дмитрий Моисеев «Ак Барс» капкасына икенче алканы кертте (2:0). Унберенче минутта «Ак Барс» кабат азчылыкта уйнаганда өченче алка керде, гол авторы – «Северсталь» капитаны Адам Лишка (3:0). Уналтынчы минутта, «Ак Барс» күпчелектә уйнаганда, Дмитрий Кагарлицкий Казан командасының артка калышуын киметте (3:1).
Өченче период. Алтынчы минутта «Северсталь» сакчысы Андрей Чуркин гол кертте (4:1).
Октябрьдә «Ак Барс» Череповец командасына нәкъ шундый исәп белән җиңелгән иде.
Командалар составы:
«Северсталь»
- Шугаев (Шостак);
- Скоренов – Аймурзин – Пилипенко, Буренов – Ярош;
- Моисеев – Абросимов – Лишка, Грудинин – Барберио;
- Коростелёв – Иванцов – Степанов, Давыдов – Чуркин;
- Рожков – Подшивалов – Муханов (Думбадзе), Тихонов.
«Ак Барс»
- Билалов (Әхтәмов);
- Кагарлицкий – Шипачёв – Радулов, Юдин – Войнов;
- Барбер – Семёнов– Галимов, Миллер – Лямкин;
- Галиев – Сафонов – Петров, Лучевников – Журавлёв;
- Лукоянов – Кателевский – Дыняк (Бровкин).
«Ак Барс»ның киләсе уены Ярославльдә узачак. «Локомотив» командасына каршы матч 7 декабрьдә 19:00 сәгатьтә башлана.