«Ак Барс» хоккей клубы «ШАЯН ТВ» белән берлектә балалар өчен «Шаян матч» үткәрәчәк
Скопировать ссылку
13 февральдә Татарстанның ике хоккей командасы арасындагы матч «ШАЯН ТВ» телеканалы белән берлектә узачак.
«Ак Барс» хоккей клубы сайтында хәбәр ителгәнчә, Казанның «Ак Барс» һәм Түбән Каманың «Нефтехимик» командалары арасындагы «Шаян матч» яшь тамашачыларга багышланачак. Хоккей матчы беренче тапкыр «ШАЯН ТВ» телеканалында күрсәтелә.
«Ак Барс» – «Нефтехимик» уены Казанда «Татнефть Арена» боз сараенда 19:30 сәгатьтә башлана. Матч алдыннан балалар өчен төрле уеннар, күңел ачу чаралары оештырыла. Боз сараендагы алып баручылар, дикторлар, комментаторлар, корреспондетлар ролендә «ШАЯН ТВ» алып баручылары була.
Әлеге матчка 7-17 яшьтәге балалар өчен билетларга 30 процент ташлама каралган.