«Ак Барс» Түбән Кама бозында «Нефтехимик»ны җиңде
Бүген Түбән Каманың «Нефтехимик» һәм Казанның «Ак Барс» хоккей командалары каршылыгында Казан уенчылары җиңде. Уен Түбән Камада узды.
Беренче период голларсыз узды (0:0).
Икенче периодның алтынчы минутында, «Ак Барс» күпчелектә уйнаганда, Дмитрий Яшкин исәпне ачты (0:1). Унберенче минутта Александр Барабанов «Нефтехимик» капкасына икенче алканы кертте (0:2).
Өченче периодның беренче секундларында ук «Нефтехимик» уенчысы Андрей Белозёров гол кертте. Гол Түбән Кама командасы күпчелектә уйнаганда керде (1:2). Унтугызынчы минутта Никита Дыняк алканы «Нефтехимик»ның буш капкасына кертте (1:3).
Командалар составы:
«Нефтехимик»
- Долганов (Озолин);
- Точилкин – Хоружев – Селезнёв, Сериков – Пастухов;
- Белозёров – Митякин – Артамонов, Хафизуллин – Душак;
- Барулин – Дергачёв – Юртайкин, Федотов – Профака;
- Шәфигуллин – Николишин – Надворный (Соколов), Хәйруллин.
«Ак Барс»
- Билалов (Арефьев);
- Барабанов – Семёнов – Яшкин, Лямкин – Миллер;
- Хмелевский – Сафонов – Пустозёров, Карпухин – Марченко;
- Сем. Терехов – Фисенко – Денисенко, Фальковский – Лучевников;
- Дыняк – Кателевский – Бровкин (Җамалтдинов).
16 декабрьдә 19:00 сәгатьтә «Ак Барс» Казанда Уфаның «Салават Юлаев»ына каршы көч сынашачак, ә «Нефтехимик» Түбән Кама бозында Түбән Новгородның «Торпедо» командасын кабул итәчәк.