Спорт 20 ноябрь 2016 19:53

"Ак Барс" Тольяттиның "Лада" командасын җиңде

Уен 5:3 исәбе белән тәмамланды.

Скопировать ссылку

(Казань, 20 ноября, «Татар-информ»). Бүген Казанның "Ак Барс" командасы КХЛ даими чемпионатының чираттагы уенында үз бозында Тольяттиның "Лада" клубын кабул итте. Уен "барслар" файдасына 5:3 исәбе белән тәмамланды. Әйтергә кирәк, бүген Дмитрия Обухов "Ак Барс" өчен йөзенче алкасын кертте.

Россия чемпионатларында көндәшләр 107 тапкыр очрашкан. Әлеге уеннарда "барслар" 48 тапкыр җиңгән, 45 тапкыр җиңелгән. Тагын 14 уен тигез исәпкә тәмамланган. Ә КХЛ чемпионатларында алар 14 тапкыр бер-берсенә каршы уйнаган (казанлылар - 9, Тольятти командасы 5 мәртәбә өстен чыккан).

"Ак Барс" киләсе уенны 22 ноябрь көнне Новосибирскиның "Сибирь" командасына каршы үткәрәчәк.

«Ак Барс» (Казан) – «Лада» (Тольятти) – 5:3

Алкаларны керттеләр: Стрельцов (24', 0:1), Варнаков (26', 1:1), Глухов (30', 2:1), Токранов (36', 3:1), Обухов (43', 4:1), Комаров (48', 4:2), Зернов (51', 4:3), Глинкин (59', 5:3).

#"Ак Барс" #хоккей

Сәхифәләр

"Ак Барс" Тольяттиның "Лада" командасын җиңде