«Ак Барс» Түбән Новгород хоккейчыларына җиңелде
Казан хоккейчылары киләсе уенны Владивостокта үткәрәчәк.
(Казан, 9 гыйнвар, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Түбән Новгородның «Торпедо» командасын кабул итте. «Ак Барс» — «Торпедо» уены Түбән Новгород командасы файдасына 1:4 исәбе белән төгәлләнде.
Беренче период. Тугызынчы минутта Владимир Галузин гол кертте, бу аның өчен «Ак Барс» составында керткән беренче алкасы булды (1:0).
Икенче период. Җиденче минутта «Торпедо» һөҗүмчесе Антон Шенфельд исәпне тигезләштерде (1:1). Ундүртенче минутта Данил Веряев «Ак Барс» капкасына гол кертте (1:2).
Өченче период. Сигезенче минутта «Торпедо» уенчысы Антон Шенфельд икенче алкасын кертеп, дубль ясады (1:3). Унтугызынчы минутта Данил Веряев та үзенең икенче алкасын кертте (1:4).
.Командалар составы:
«Ак Барс»:
Билалов (Мифтахов);
Фрэттин — Кормье — Петров, Виртанен — Викстранд;
Азеведо — А. Галимов — Зарипов, Яруллин — Лямкин;
Галиев — Тихонов — Воронков, Юдин — Журавлёв;
Фисенко — Галузин — Ли (Дыняк), Аверин.
«Торпедо»:
Линдбек (Тихомиров);
Варнаков — Шрёдер — Җәфәров, Орлов — Баранцев;
Бочаров — Шор — Рэтти, Геноуэй — Зборовский;
Шенфельд — Ильин — Веряев, Минеев — Мишарин;
Ураков — Белевич — Шахворостов, Почивалов.
Киләсе уенны «Ак Барс» Владивосток шәһәрендә үткәрәчәк. «Адмирал» — «Ак Барс» матчы 12 гыйнвар көнне 10:00 сәгатьтә башлана.