news_header_top_970_100
16+
news_header_bot_970_100

«Ак Барс» Сочида оттырса да, серияне откан

Казанлылар Әлмәттә "Нефтяник" белән иптәшләрчә матч үткәрәчәк.

«Ак Барс» Сочида оттырса да, серияне откан
Ильнар Тухбатов

(Казан, 9 февраль, «Татар-информ», Сергей Гаврилов). Сочида икенче контроль матчта Казанның “Ак Барс” командасы 1:3 исәбе белән “Сочи” хоккей командасына оттырды.

Бүген казанлылар оттырды, әмма алдан килешенгәнчә, ике матч сериясендә тигез исәп булганга, җиңүче матчтан соңгы буллитлар сериясендә билгеләнде. Казанлылар менә шул сериядә отты да инде. 

11 февральдә казанлылар Әлмәттә “Нефтяник” белән иптәшләрчә матч үткәрәчәк. “Ак Барс” Мәскәүдә тагын өч контроль уенда (20 февраль – «Динамо», 21 һәм 23 февраль – ЦСКА белән) уйнаячак.

«Сочи» хоккей командасы (Сочи) – «Ак Барс» (Казан) – 3:1 (2:0, 0:1, 1:0).

Алкаларны керттеләр: Ларичев (3, 45), Точицкий (20) - Ткачев (31).

autoscroll_news_right_240_400_1
autoscroll_news_right_240_400_2
news_bot_970_100