«Ак Барс» Санкт-Петербургта Шанхай командасын отты
Бүген Казанның «Ак Барс» хоккейчылары Шанхайның «Драконы» командасын 3:2 исәбенә җиңде. Уен Санкт-Петербургта узды.
Беренче периодның унсигезенче минутында исәп Шанхай командасы файдасына ачылды, голны Остин Вагнер кертте (1:0).
Икенче периодның җиденче минутында Райли Саттер «Драконы» командасын тагын бер алкага алга чыгарды (2:0). Уникенче минутта «Ак Барс» һөҗүмчесе Артём Галимов гол кертте (2:1). Периодның соңгы минутында Александр Барабанов исәпне тигезләде (2:2).
Өченче период голларсыз узды. Өстәмә вакытта да хәлиткеч алка кермәде. Җиңүче, капкачы белән бергә-бер калып, буллит бәрүләрдә ачыкланды. Бу уенда «Ак Барс» отты (2:3).
Командалар составы:
«Ак Барс»
- Билалов (Арефьев);
- Барабанов – Семёнов – Яшкин, Лямкин – Миллер;
- Хмелевский – Сафонов – Галимов, Карпухин – Марченко;
- Алистров – Фисенко – Денисенко, Фальковский – Лучевников;
- Дыняк – Кателевский – Бровкин (Җамалтдинов).
«Драконы»
- Рибар (Тихомиров);
- Меркли – Куинни – Лабанк, Харпур – Райлли;
- Попугаев – Спунер – Рендулич, Сомерби – Брынцев;
- Вагнер – Джозефс – Фу, Валенцов – Кленденинг;
- Сукезе – Саттер – Кузнецов.
25 ноябрьдә «Ак Барс» Мәскәүдә «Спартак» командасына каршы уйнаячак. Матч 19:30 сәгатьтә башлана.