«Ак Барс» рәттән җиденче уенда отты
Бүген Казанның «Ак Барс» хоккейчылары Астананың «Барыс» командасын җиңде. Уен Астанада узды.
Беренче периодның тугызынчы минутында Григорий Денисенко исәпне «Ак Барс» файдасына ачты (0:1). Уналтынчы минутта, «Ак Барс» азчылыкта уйнаганда Михаил Фисенко «Барыс» капкасына икенче алканы кертте (0:2). Унҗиденче минутта «Барыс» уенчысы Всеволод Логвин гол кертте (1:2).
Икенче периодның дүртенче минутында алка Астана командасы капкасына кергән иде, тик хөкемдарлар аны исәпкә алмады.
Өченче периодның дүртенче минутында Кирилл Панюков исәпне тигезләде (2:2).
Өстәмә вакытта да тигез исәп сакланды, голлар кермәде. Капкачы белән бергә-бер калып буллит бәрүләрдә Казан командасы көчлерәк булды. Бу җиңү «Ак Барс» өчен рәттән җиденчесе булды.
Командалар составы:
«Барыс»
- Шутов (Шил);
- Симонов – Морелли – Веккьоне, Маккошен – Уолш;
- Савицкий – Томпсон – Кайыпжан, Масси – Данияр;
- Логвин – Омирбеков – Панюков, Уотерспун – Бекетаев;
- Старченко – Шайхмедденов – Колесников, Бреус.
«Ак Барс»
- Билалов (Бердин);
- Яшкин – Семёнов – Алистров, Лямкин – Миллер;
- Денисенко – Хмелевский – Барабанов, Карпухин – Марченко;
- Биро – Сафонов – Галимов, Фальковский – Князев;
- Дыняк – Фисенко – Кателевский (Җамалтдинов).
22 октябрьдә «Ак Барс» Ярославль шәһәренең «Локомотив» командасына каршы уйнаячак. Матч Казанда «Татнефть Арена» боз сараенда 19:00 башлана.