Спорт 25 декабрь 2024 20:15

«Ак Барс» Минск шәһәренең «Динамо» командасына оттырды

Скопировать ссылку

«Ак Барс» Минск шәһәренең «Динамо»сына оттырды. Уен Минск бозында үтте. Белоруссия командасы Казан хоккейчылары капкасына берничә мәртәбә алка кертте, «Ак Барс» спортчылары көндәш командага җавап бирә алмады.

Инде беренче периодта ук «барслар»га өч алка керттеләр. Минск командасында Брэйди Лайл, Илья Усов һәм Сэм Энас аеруча нәтиҗәле уен күрсәтте.

«Татар-информ» хәбәр иткәнчә, «Ак Барс» тренерлык штабы капкада Тимур Билаловны калдырырга карар кылды һәм ялгышты. Икенче егерме минутлыкның башында ук боз хуҗалары үзләренең өстенлеген ныгытты – дүртенче алканы кертте. Билалов капкасына алканы Даниил Липский тиз контратакада сул түгәрәктән атты. Аннары Вадим Мороз бишенчесен дә кертте. Әлеге алкадан соң гына тренерлар Әмир Мифтаховны чыгарырга карар кылды.

Өченче периодта командалар кагыйдә бозган өчен билгеләнгән буллитлар белән алмашты. Энас үзенең мөмкинлеген тормышка ашыра алмаса, Александр Барабанов исә Василий Демченко капкасына алка кертә алды – 5:1.

«Динамо» Мн – «Ак Барс» – 5:1 (3:0, 2:0, 0:1)

1:0 – Лайл (Пинчук, Энәс, 09:15)

2:0 – Усов (Липский, 10:13)

3:0 – Энас (Пинчук, 16:37)

4:0 – Липский (33:20)

5:0 – Мороз (Шипачев, Гросс, 34:11)

5:1 – Барабанов (52:52, ШБ)

Сәхифәләр

«Ак Барс» Минск шәһәренең «Динамо» командасына оттырды