«Ак Барс» Мәскәү хоккейчыларына өченче тапкыр җиңелде
Скопировать ссылку
Бүген Казан хоккейчылары «Ак Барс» - ЦСКА плей-офф сериясенең дүртенче уенында оттырды. Мәскәүдә узган матчның исәбе – 2:1.
- Казанның «Ак Барс» һәм Мәскәүнең ЦСКА командалары Гагарин кубогы өчен көрәшнең финалында көч сынаша. Гагарин кубогын дүрт җиңү яулаган команда отачак. Хәзергә «Ак Барс» исәбендә бер җиңү, ЦСКАда – өч.
Беренче период. Унберенче минутта «Ак Барс» һөҗүмчесе Кирилл Семёнов исәпне ачты (0:1). Унбишенче минутта, «Ак Барс» азчылыгы вакытында, ЦСКА хоккейчысы Антон Слепышев исәпне тигезләштерде (1:1).
Икенче период голларсыз үтте.
Өченче период. Уналтынчы минутта ЦСКА һөҗүмчесе Владислав Каменев гол кертте (2:1).
Командалар составы:
ЦСКА
- Рейдеборн (Шарыченков);
- Окулов – Каменев – Плотников, Классон – Нестеров;
- Полтапов – Соркин – Григоренко, Дыбленко – Диц;
- Слепышев – Светлаков – Карнаухов, Провольнев – Сергеев;
- Брюквин – Мингачёв – Абрамов (Панкратов), Макаров.
«Ак Барс»
- Билалов (Мифтахов);
- Воронков – Сафонов – Радулов, Юдин – Войнов;
- Кагарлицкий – Шипачёв – Петров, Адамчук – Лямкин;
- Галиев – Семёнов – Панюков, Лучевников – Журавлёв;
- Лукоянов – Галимов – Дыняк (Терехов) Евсеев.
Киләсе уен Казанда «Татнефть Арена» боз сараенда узачак. Матч 25 апрель 19:30 сәгатьтә башлана.