«Ак Барс» Мәскәү командасына оттырды, киләсе уен Түбән Камада узачак
Бүген Казанның «Ак Барс» хоккейчылары Мәскәүнең ЦСКА командасына 1:4 исәбенә җиңелде. Уен Казанда «Татнефть Арена» боз сараенда узды.
Беренче периодның унтугызынчы минутында «Ак Барс» хоккейчысы Илья Сафонов исәпне ачты, гол Казан командасы күпчелектә уйнаганда керде (1:0). Бер минут та үтмәде, исәп тигезләнде, Максим Соркин алканы «Ак Барс» капкасына кертте (1:1).
Икенче периодның унөченче минутында, ЦСКА күпчелектә уйнаганда, Дмитрий Бучельников Мәскәү командасын алга чыгарды (1:2). Унҗиденче минутта Павел Карнаухов гол кертте (1:3).
Өченче периодның алтынчы минутында Кирилл Долженков алка кертте, бу гол да «Ак Барс» азчылыкта уйнаганда керде (1:4).
Командалар составы:
«Ак Барс»
- Билалов (Арефьев);
- Барабанов – Семенов – Яшкин, Лямкин – Миллер;
- Алистров – Хмелевский – Денисенко, Карпухин – Марченко;
- Җамалтдинов – Сафонов – Галимов, Фальковский – Лучевников;
- Бровкин – Фисенко – Кателевский, Ст. Терехов.
ЦСКА
- Гамзин (Самонов);
- Коваленко – Карнаухов – Спронг, Нестеров – Охотюк;
- Гурьянов – Зернов – Бучельников, Патрихаев – Рой;
- Абрамов – Соркин – Полтапов, Провольнев – Еременко;
- Долженков – Гарднер – Минһаҗев (Чуркин), Шуравин.
21 ноябрьдә Түбән Камада «Ак Барс» һәм «Нефтехимик» командалары көч сынашачак. Уен 19:30 башлана.