Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Ак Барс»«Амур»ны җиңеп КХЛның Көнчыгыш конференциясендә вакытыннан алда җиңүгә иреште
Бүген Зиннәтулла Билалетдинов командасы Хабаровскида «Амур»ны 4:0 исәбенә җиңде. Континенталь хоккей лигасының даими чемпионатында «Ак Барс» рәттән җиденче җиңүен яулады. Шулай итеп казанлылар лиганың Көнчыгыш конференциясендә вакытыннан алда җиңүче булды.
Узган уен белән чагыштырганда «Ак Барс» составында өч үзгәреш булды. Журавлев, Хенкель һәм Токранов урынына бозга Хафизуллин, Адамчук һәм Лямкин чыкты. Казанлылар капкасында Әмир Мифтахов торды. Тимур Билалов инде рәттән «Ак Барс»ның биш матчын калдырды.
«Ак Барс» составындагы барлык алкаларны да беренче звено вәкилләре – Дмитрий Воронков, Илья Сафонов һәм Александр Радулов кертте. Воронков дубль белән аерылып торды. Шунысын да билгеләп үтәргә кирәк, ике гол күпчелектә кертелде. Моннан тыш, ассистент хет-трикын сакчы Динар Хафизуллин ясады. Оборона уенчысы Никита Лямкинның ике тапшыруы голлы булды.
Шулай итеп, Ерак Көнчыгышта «Ак Барс» «Адмирал» һәм «Амур» белән дүрт матчта 4 җиңү яулады.
«Амур – «Ак Барс» – 0:4 (0:2, 0:0, 0:1)
0:1 Воронков (Ләмкин, Хафизуллин, 04:02)
0:2 Сафонов (Хафизуллин, Лямкин, 11:38, 5х4)
0:3 Радулов (Хафизуллин, Сафонов, 46:22, 5х4)
0:4 Воронков (Петров, Сафонов, 57:54)
Кызыклы яңалыкларны күзәтеп бару өчен Телеграм-каналга язылыгыз