Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Ак Барс” командасына Континенталь хоккей лигасы 46 миллион сум акча бирәчәк
ЦСКА плей-офф финалисты 29,5 млн сум алачак, СКА даими чемпионаты җиңүчесенә лига 38 млн сум акча түлиячәк.
(Казан, 7 сентябрь, “Татар-информ”). 2017/2018 еллардагы сезон нәтиҗәләре буенча Казанның “Ак Барс” командасы Континенталь хоккей лигасыннан 45,9 млн сум акча алачак. Бу хакта Континенталь хоккей лигасы рәсми сайтында хәбәр ителә.
Әлеге суммага телевизион хокукларны сату, шулай ук команда матчларына тамашачы йөрүдән алган керем керә. Телевизион хокукларны сатудан “Ак Барс” 43,8 млн сум акча алачак.
Казанлылар узган сезон нәтиҗәләре буенча Континенталь хоккей лигасыннан иң зур түләүләрне алачак. Шулай итеп, ЦСКА плей-офф финалисты 29,5 млн сум алачак, СКА даими чемпионаты җиңүчесенә лига 38 млн сум акча түлиячәк.
Кызыклы яңалыкларны күзәтеп бару өчен Телеграм-каналга язылыгыз