Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Ак Барс" клубы Данис Зариповның карьерасын Казанда дәвам итүенә өметләнә
Хоккейчы 23 ноябрьдә бозга чыгарга хокуклы.
(Казан, 22 ноябрь, “Татар-информ”). “Ак Барс” хоккей клубы Данис Зариповның алдагы карьера юлы Казан белән бәйле булуына өметләнә. Бу хакта клубның матбугат хезмәте җиткерә.
Исегезгә төшерәбез, Халыкара хоккей федерациясе (IIHF) хәбәр иткәнчә, Россия хоккейчысы Данис Зариповның дисквалификация вакыты алты айга кадәр кыскартылды, ул 23 ноябрьдә үк бозга чыгарга мөмкин.
“Ак Барс” хоккей клубы Данис Зариповны һәм барлык хоккей сөючеләрне әлеге карар кабул ителү белән котлый. Без Зариповның чын спортчы һәм профессиональ булуын һәрвакыт белдек, аның гаепсез булуына ышандык. Даниска чын күңелдән зур җиңүләр телибез һәм Зариповның алдагы карьера юлы безнең клуб белән бәйле булуына өметләнәбез”, – диелгән клубның рәсми сайтында.
Данис Зарипов сезон алдыннан “Металлург” клубыннан “Ак Барс”ка күченгән, ә спорттан читләштерелү турындагы карардан соң әлеге килешү өзелгән иде.
Кызыклы яңалыкларны күзәтеп бару өчен Телеграм-каналга язылыгыз