«Ак Барс» Казахстанда җиңүгә иреште
Бүген Казанның «Ак Барс» хоккейчылары Астананың «Барыс» командасын җиңде. Уен Астанада узды.
Беренче периодның өченче минутында «Ак Барс» һөҗүмчесе Дмитрий Кателевский исәпне ачты (0:1).
Икенче период ахырында «Барыс» һөҗүмчесе Ансар Шайхмедденов исәпне тигезләде (1:1).
Өченче периодта голлар булмады. Аннан соң командалар өстәмә вакытта уйнауны дәвам итте, анда да алка капкага кермәде. Җиңүчене билгеләр өчен хоккейчыларга буллитта көрәшергә туры килде (капкачы белән бергә-бер калып алкага бәрү).
«Ак Барс»ның узган уены да буллитлар белән тәмамланган иде, ул матчта Казан командасы «Локомотив»ка оттырды, ә бүген «Барыс»ны җиңә алды (1:2).
Командалар составы:
«Барыс»
- Бояркин (Шутов);
- Бочаров – Николишин – Бурдасов, Бекетаев – Данияр;
- Асетов – Омирбеков – Панюков, Камалов – Хохлов;
- Савицкий – Бойко – Сетдиков, Гайтамиров – Бутенко;
- Оспанов – Шайхмедденов – Моратов, Королёв – Оразов.
«Ак Барс»
- Билалов (Мифтахов);
- Барабанов – Семёнов – Яшкин, Лямкин – Миллер;
- Коршков – Сафонов – Галимов, Журавлёв – Марченко;
- Терехов – Бабенко – Кошелев, Юдин – Яруллин;
- Дыняк – Кателевский – Крутов (Жулин), Князев.
Киләсе уенда ике Татарстан командасы көч сынашачак. «Нефтехимик» – «Ак Барс» матчы 7 ноябрьдә 19:30 сәгатьтә башлана. Уен Түбән Камада узачак.