«Ак Барс» җиңде, команда капитаны Дмитрий Яшкин уен саен очко җыя
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Бүген Казанның «Ак Барс» хоккей командасы Екатеринбургның «Автомобилист»ына каршы уенда отты. Матч Екатеринбургта узды.
Беренче периодның тугызынчы минутында «Автомобилист» командасы исәпне ачты, уенның беренче голын Максим Денежкин кертте (1:0). Берничә секунд үтүгә, «Ак Барс» һөҗүмчесе Егор Бабенко исәпне тигезләде (1:1). Уникенче минутта Дмитрий Кателевский Екатеринбург командасы капкасына икенче алканы кертте (1:2). Уналтынчы минутта Егор Коршков «Ак Барс»ны тагын бер алкага алга чыгарды (1:3). Әлеге голдан соң «Автомобилист» капкачысын алмаштырды: бозга Евгений Аликин урынына Владимир Галкин чыкты.
Икенче периодның беренче минутында, «Ак Барс» күпчелектә уйнаганда, команда капитаны Дмитрий Яшкин гол кертте (1:4). Дмитрий Яшкин я гол кертеп, я нәтиҗәле пас биреп, һәр уенда очколар җыя.
Өченче периодның алтынчы минутында «Автомобилист» уенчысы Степан Хрипунов исәпне үзгәртте (2:4). Сигезенче минутта «Ак Барс» һөҗүмчесе Кирилл Семёнов гол кертте (2:5).
Период ахырында «Автомобилист» хоккейчысы Данил Романцев кәшәкәсе белән «Ак Барс» һөҗүмчесе Николас Петанның йөзенә бәрде. Романцев дүрт минутка штрафчылар эскәмиясенә юнәлде, ә Петан битен тотып чишенү бүлмәсенә кереп китте. Унбишенче минутта, «Ак Барс» күпчелектә уйнаганда, Илья Сафонов гол кертте (2:6).
Командалар составы:
«Автомобилист»
- Аликин (Галкин);
- Хрипунов – Бывальцев – Меркли, Трямкин – Эберт;
- Лайпсик – Да Коста – Голышев, Осипов – Блэкер;
- Кузнеуов – Обидин – Мэйсек, Воробьёв – Зборовский;
- Каштанов – Романцев – Денежкин (Н. Миллер), Ишимников.
«Ак Барс»
- Билалов (Мифтахов);
- Барабанов – Петан – Яшкин, Юдин – М. Миллер;
- Коршков – Сафонов – Галимов, Лямкин – Марченко;
- Терехов – Семёнов – Кошелев, Журавлёв – Яруллин;
- Дыняк – Кателевский – Бабенко (Җамалтдинов), Евсеев.
«Ак Барс»ның киләсе уены Казанда «Татнефть Арена» боз сараенда узачак. «Амур» командасына каршы матч 2 октябрьдә 19:00 сәгатьтә башлана.