Спорт 22 сентябрь 2017 20:36

«Ак Барс» хоккейчылары Тольяттида «Лада» командасын отты

Казан клубының җиңүләр сериясе 4 матчка җитте.

Скопировать ссылку

(Казан, 22 сентябрь, «Татар-информ»). Казанның «Ак Барс» хоккейчылар Континенталь хоккей лигасы даими чемпионатында Тольяттида «Лада» командасын отты – 3:1.

Шулай итеп, Казан командасының чемпионаттагы җиңүләр сериясе 4 матчка җитте. Ә "Лада" 9 уен рәттән оттыра.

Шунысы да игътибарга лаек: “Ак Барс” составында бүгенге уенда Казанда беренче сезонын уздыручы һөҗүмче Станислав Галиев та гол кертте. Бу аның “Ак Барс” өчен керткән беренче алкасы булды.

Сүз уңаеннан, бу сезонда «Ак Барс» үз бозында «Лада» хоккейчылары белән очрашырга өлгерде инде – 31 августта Казандагы матчта Зиннәтулла Билалетдинов шәкертләре 5:2 исәбе белән уңышка иреште.

24 сентябрьдә “Ак Барс” Чиләбедә “Трактор” командасы белән очраша.

КХЛ. Даими чемпионат. «Лада» (Тольятти) – «Ак Барс» (Казан) – 1:3 (0:0, 0:2, 1:1)

0:1 Галиев (Клинкхаммер, 26:27)
0:2 Ткачев (Захарчук, 36:17)
1:2 Бочаров (44:20, аз составта)
1:3 Азеведо (45:18).

Капкачылар: Лазушин – Гарипов.

#Ак Барс #хоккей

Сәхифәләр

«Ак Барс» хоккейчылары Тольяттида «Лада» командасын отты