«Ак Барс» хоккейчылары плей-оффның өченче уенында җиңелде
«Авангард» — «Ак Барс» матчы исәбе — 2:0.
(Казан, 6 март, «Татар-информ», Гөлия Хәсбиуллина). Бүген Казанның «Ак Барс» хоккейчылары Омскиның «Авангард» командасына 0:2 исәбе белән җиңелде. Матч Балашихада узды.
Бүген плей-оффның «Ак Барс» — «Авангард» сериясенең өченче уены үтте. Плей-оффта командалар Гагарин Кубогы өчен көрәшә. Дүрт җиңү яулаган команда алга таба үтә һәм көрәшне дәвам итә, ә җиңелгәннәр ярыштан төшеп кала. Хәзергә «Ак Барс» исәбендә бер җиңү дә юк, «Авангард»ныкында — өч җиңү.
Беренче һәм икенче периодлар голларсыз үтте (0:0).
Өченче периодның уналтынчы минутында «Авангард» һөҗүмчесе Арсений Грицюк гол кертте (0:1). Период ахырында «Ак Барс» капкачыны алтынчы мәйдан уенчысына алмаштырды, һәм соңгы секундларда «Авангард» уенчысы Павел Дедунов алканы буш капкага кертте (0:2).
Командалар составы:
«Авангард»
- Грубец (Демченко);
- Толчинский — Найт — Грицюк, Шәрипҗанов — Береглазов;
- Цегларик — Прохоркин — Сошников, Сведберг — Готовец;
- Якупов — Семёнов — Телегин, Емелин — Чистяков;
- Дедунов — Каблуков — Жарков (Комаров), Давыдов.
«Ак Барс»
- Билалов (Бобков);
- Кагарлицкий — Галимов — Воронков, Хенкель — Кэмпфер;
- Дыняк — Уил — Петров, Юдин — Журавлёв;
- Лукоянов — Сафонов — Зарипов, Адамчук — Лямкин;
- Глухов — Бурмистров — Коваленко (Кателевский), Рукавишников.
«Ак Барс» — «Авангард» сериясенең киләсе уены 8 март көнне Балашихада булачак. Матч 17:00 сәгатьтә башлана.