Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Ак Барс" хоккейчылары Казанда "Сибирь" командасы белән уйный
Казан клубы Көнчыгыш конференциядә беренче урында бара.
(Казан, 2 октябрь, “Татар-информ”). Бүген Казанның “Ак Барс” хоккейчылары Континенталь хоккей лигасының даими чемпионатында үз бозында Новосибирскиның “Сибирь” командасы белән көч сынаша.
Әлеге очрашуга кадәр 14 уен уздырырга өлгергән “Ак Барс” командасы исәбендә 31 очко бар һәм Казан клубы Көнчыгыш конференция турнир таблицасының беренче баскычына урнашты. 15 уенда 24 очко җыйган “Сибирь” командасы – 9 нчы урында.
Ил чемпионатында “Ак Барс” хоккейчыларының “Сибирь” белән 108 мәртәбә очрашканы бар: 52 уенда – Казан, ә 46 очрашуда Новосибирск хоккейчылары җиңү яулаган. Моннан тыш 10 матч тигез исәпкә төгәлләнгән. Узган сезонда “Ак Барс” үз бозында җиңү яуласа (2:1), кунакта овертаймда оттырган иде (1:2).
“Татнефть Арена” боз сараендагы бүгенге матч 19.30 сәгатьтә башлана.
Кызыклы яңалыкларны күзәтеп бару өчен Телеграм-каналга язылыгыз