Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
"Ак Барс" хоккейчылары Гагарин кубогында Көнчыгыш конференция финалын башлый
Соңгы матч белән чагыштырганда Казан командасы составы үзгәрешләр кичермәгән.
(Казан, 24 март, "Татар-информ", Фәрит Салихов). Бүген Континенталь хоккей лигасында Гагарин кубогы өчен көрәштә Көнчыгыш конференция финалы старт ала. Казанның "Ак Барс" хоккейчылары Магнитогорскида "Металлург" командасы белән көч сынаша. Матч Мәскәү вакыты белән 17:00 сәгатьтә старт ала.
"Ак Барс"ның матбугат хезмәте хәбәр иткәнчә, "Металлург"ка каршы бүгенге уенда Казан командасы "Авангард" белән соңгы уендагы составта чыгачак. Тренерлар штабы ышанычлы җиңүгә ирешә алган составны үзгәртергә булмаган. Димәк, бүген команда капитаны Александр Свитов уенны кабат боз читеннән күзәтәчәк.
Бу сезонда «Ак Барс» даими чемпионатта «Металлург» белән ике тапкыр очрашты – командалар кунакта җиңү яулады. «Ак Барс» – буллит сериясендә – 3:2, «Металлург» төп вакытта – 2:0 исәбе белән отты.
Сүз уңаеннан, Көнбатыш конференция финалында кичә СКА хоккейчылары овертаймда "Локомотив"ны отты – 5:4.
Кызыклы яңалыкларны күзәтеп бару өчен Телеграм-каналга язылыгыз