"Ак Барс" хоккейчылары Гагарин кубогында "Авангард"ка каршы алтынчы матч уздыра
Бүгенге уен сериядә соңгысы булырга мөмкин.
Скопировать ссылку
(Казан, 19 март, "Татар-информ"). Бүген "Ак Барс" хоккейчылары Гагарин кубогының Көнчыгыш конференция 1/2 финал раундында "Авангард" командасы белән очраша. Казанның "Татнефть Арена" боз сараендагы матч 17:00 сәгатьтә башлана.
Бүгенге уен – сериядәге алтынчы матч. Уңышка ирешкән очракта, "Ак Барс" командасы конференциянең финалына чыгачак. "Ак Барс"-"Авангард" командалары арасындагы сериядә җиңүче Магнитогорскиның "Металлург" хоккейчылары белән очрашачак.
КХЛ. Гагарин кубогы. Көнчыгыш конференция. 1/2 финал раунды. 6 нчы матч.
"Ак Барс" (Казан) – "Авангард" (Омск).
19 март. 17:00. "Татнефть Арена".
Сериядә исәп: 3 - 2 (2:1 ОТ, 2:0, 3:4 ОТ, 2:1, 1:4).