"Ак Барс" хоккейчылары “Автомобилист” командасын "коры" калдырып җиңде
"Ак Барс" хоккейчылары Көнчыгыш конференциясе лидерыннан өстен чыкты.
(Казан, 15 февраль, “Татар-информ”, Гөлия Хәсбиуллина). Бүген “Ак Барс” хоккей командасы Екатеринбург шәһәрендә КХЛның көнчыгыш конференциясенең лидеры “Автомобилист”ны 3:0 исәбе белән җиңде.
Беренче период. Унөченче минутта "Ак Барс" сакчысы Никита Лямкин исәпне ачып җибәрде (0:1).
Икенче период. Унҗиденче минутта Иржи Секач күпчелектә "Ак Барс" өчен алка кертә алды (0:2). Периодның соңгы минутында "Ак Барс" һөҗүмчесе Владимир Ткачёв гол кертте (0:3).
Өченче периодта кертелгән алкалар булмады.
Командалар составы:
“Автомобилист”:
Коварж (Фомин); Доус – Да Коста – Секстон, Гуркин – Вишневский; Белоусов – Кучерявенко – Казионов, Василевский – Трямкин; Гареев – Паре – Голышев, Бодров – Егоршев; Обидин – Грачёв – Литовченко (Рассейкин), Валитов.
“Ак Барс”:
Шарыченков (Подъяпольский); Секач – Ландер – Азеведо, Яруллин – Манухов; Основин – Малыхин – Лукоянов, Постма – Юдин; Ткачёв – Попов – Галиев, Лямкин – Батыршин; Глухов – Свитов – Клинкхаммер (Воронков, Галимов).
- “Ак Барс” киләсе уенын 18 февральдә Казанда “Татнефть-Арена” боз сараенда үткәрәчәк. “Ак Барс” - "Металлург" матчы 19:30 сәгатьтә башлана.