Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
"Ак Барс" хәзерге Гагарин Кубогы хуҗасы белән очраша
Ил чемпионатларында алар 83 тапкыр очрашкан
(Казан, 17 октябрь, «Татар-информ»). Бүген "Ак Барс" КХЛ чемпионатында чираттагы күчмә уеннар сериясен башлап җибәрә.
Зиннәтулла Билалетдинов шәкертләре кунакта 4 уен үткәрәчәк. Бүген, 17 октябрь көнне "Металлург" (матч Мәскәү вакыты белән 17.00 дә башлана), 19 октябрь - Түбән Новгородта - "Торпедо" (17.00), 21 октябрь - Мәскәүдә ЦСКА (19.30), 23 октябрь - Череповецта "Северсталь" (19.00) белән очраша.
Ил чемпионатларында "Ак Барс" белән "Металлург" 83 тапкыр очрашкан: казанлылар активында 42 җиңү, 37 җиңелү бар, 4 уен тигез исәпкә тәмамланган (алкалар аермасы 217-203). Узган сезонда көндәшләр үз бозларында җиңүләр белән алмашкан: Казанда "барслар" откан - 3:2, Магнитогорскида "Металлург" өстен чыккан - 1:0.
"Магнитка" белән "Ак Барс" матчында өч очкодан кала, Көнчыгыш конференциясендә ике арадагы лидерлык та уйнатылачак. Хәзерге вакытта 17 уеннан соң, "Металлург"та 14 җиңү һәм 41 очко, "Ак Барс"та 14 җиңү һәм 40 очко бар.
Кызыклы яңалыкларны күзәтеп бару өчен Телеграм-каналга язылыгыз