Спорт 29 декабрь 2017 18:19

"Ак Барс" елның соңгы матчында зур исәп аермасы белән "Сибирь" командасына оттырды

Казан хоккейчыларыннан бердәнбер алканы Данис Зарипов кертте.

Скопировать ссылку

(Казан, 29 декабрь, “Татар-информ”, Фәрит Салихов). Казанның “Ак Барс” хоккейчылары КХЛның даими чемпионаты кысаларында “Сибирь” командасына оттырды.

Новосибирскида узган “Ак Барс” өчен елның соңгы матчы боз хуҗалары файдасына 4:1 исәбенә төгәлләнде.

Казан хоккейчыларыннан бердәнбер алканы икенче периодта, күплектә уйнаудан файдаланып Данис Зарипов кертте. Бу Данисның сезондагы өченче голы булды.

4 гыйнварда “Ак Барс” Түбән Новгородта “Торпедо” командасы белән уйный.

КХЛ. Даими чемпионат. “Сибирь” (Новосибирск) – “Ак Барс” (Казан) – 4:1 (2:0, 0:1, 2:0).

1:0 Основин (Тичар, 17:32, күплектә)
2:0 Демидов (Закриссон, Алексеев, 18:23, күплектә)
2:1 Зарипов (Азеведо, 27:38, күплектә
3:1 Бергстрём (Игнатович, Закриссон, 44:30)
4:1 Энлунд (Ермаков, 55:12).

Капкачылар: Красиков – Шарыченков.

#Ак Барс #хоккей

Сәхифәләр

"Ак Барс" елның соңгы матчында зур исәп аермасы белән "Сибирь" командасына оттырды