Спорт 5 апрель 2010 11:09

“Ак Барс” белән “Салават Юлаев” көрәше бүген Казанда дәвам итә

“Татнефть Арена”да уен кичке 7 дә башлана

Скопировать ссылку

(Казан, 5 апрель, “Татар-информ”). “Ак Барс” белән “Салават Юлаев” финалга юллама өчен көрәшне бүген Казанда дәвам итәчәк. Уфа бозында узган ике очрашуның икесендә дә отып, “барс”лар бу сериядә2:0 исәбе белән алга чыкты. Шулай итеп, быелгы плей-оффта Казан клубының әлегә кадәр көндәшләре бозында оттырганы юк.
Регуляр чемпионат җиңүчесе “Салават Юлаев” болай тиз генә бирешергә җыенмый. Казан бозында узачак ике уенда ул реванш алырга омтылачак. Башкортстан башкаласында үткән очрашуларда “Ак Барс” капкасын көчле штурмлаган уфалылар бүген тагын да кискенрәк уйнарга мөмкин.
“Татнефть Арена”да уен кичке 7 дә башлана.

Сәхифәләр

“Ак Барс” белән “Салават Юлаев” көрәше бүген Казанда дәвам итә