Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ак Барс Арена янында контракт буенча хәрби хезмәткә сайлап алу мобиль пункты ачылды
Бүген «Рубин» белән «Зенит» футбол матчы алдыннан Ак Барс Аренада Чистай урамы ягыннан контракт буенча хәрби хезмәткә сайлап алу мобиль пункты ачылды. Ул кичке сәгать җидегә кадәр ачык булачак. Бу хакта Казанда урнашкан контракт буенча хәрби хезмәткә сайлап алу пункты офицеры Егор Горячев сөйләде.
Автоном палаткада теләге булган һәркем контракт буенча хәрби хезмәт турында тулы мәгълүмат ала, гариза яза һәм беренчел сайлап алуны үтә алачак.
![](https://www.tatar-inform.ru/images/uploads/98ee0ddf3a69a7e7d44902dfd100903f.jpg)
Фото: © «Татар-информ», Дмитрий Шатров
«Теләге булган һәркем контракт буенча хәрби хезмәтнең нәрсә икәнен белә ала. Без хәзер комплектлый торган өстенлекле хәрби частьләр турында сөйләячәкбез. Шулай ук беренчел сайлап алу чараларын да узарга мөмкин. Биредә үк Калашников автоматы макеты тәкъдим ителгән. Теләге булган һәркем үзен автомат сүтеп җыюда сынап карый ала. Шулай ук биредә РФ Хәрби Көчләре хәрби хезмәткәрләре экипировкасының якынча макеты һәм хәрби кирәк-яраклар комплекты тәкъдим ителгән», - диде ул.
Искәртик, Татарстанда РФ Кораллы көчләре белән контракт төзергә теләүчеләргә түләүләрне арттырдылар. Хәзер бер тапкыр бирелә торган түләү миллион ярым сумга кадәр җитәргә мөмкин. Бу хакта республика киңәшмәсендә ТР Рәисе Рөстәм Миңнеханов белдерде.
Татарстанда РФ Кораллы көчләрендә хезмәт итү турында контракт төзегән гражданнарга гарантияләнгән рәвештә 1,2 миллион сум түләнә. Муниципаль түләүләрне дә исәпкә алганда, бу сумма 1,5 миллион сумны тәшкил итәргә мөмкин, дип белдерде Миңнеханов. Түләүнең нәтиҗәдәге суммасы республикадан түләнә торган 1,005 миллион сум, РФ Саклану министрлыгыннан бирелә торган 195 мең сум, Татарстан шәһәр һәм районнары түли торган 300 мең сумга кадәр түләүләрне бергә кушып исәпләнә.
Татарстанда контрактчыларга килешү төзегәндә күпме түлиләр:
Татарстан Республикасыннан – 1,005 миллион сум;
РФ Саклану министрлыгыннан – 195 мең сум;
муниципалитетлардан – 300 мең сумга кадәр.
Әлеге чаралар Татарстан территориясендә контракт төзергә карар кылган барлык гражданнарга (аларның факт буенча яшәү урынына бәйсез рәвештә) һәм чит ил кешеләренә (аларга закон нигезендә ИНН һәм РФ гражданлыгы алуда ярдәм күрсәтәчәкләр) кагыла. Татарстан контрактчыларын яхшыртылган хәрби кием комплекты белән тәэмин итәчәкләр. Анда махсус операция хәрбиләренең барлык теләкләре исәпкә алынган.
Кызыклы яңалыкларны күзәтеп бару өчен Телеграм-каналга язылыгыз