Айрат Хәмитов: Алга барырга көч табар өчен, үзебезнең тамырларыбызга мөрәҗәгать итәбез
Татарстан Республикасының иң өлкән һәм әйдәп баручы коллективларының берсе – Татарстан Республикасы Дәүләт җыр һәм бию ансамбленең сәнгать җитәкчесе, Россиянең атказанган, Татарстанның халык артисты Айрат Хәмитов эшчәнлекләре, планнары турындагы фикерләре белән уртаклашты.
«Безнең илебездә 2024 ел «Гаилә елы» дип игълан ителгән иде, 2025 ел – «Ватанны саклаучылар елы» булды, ә 2026 ел – «Россия халыкларының бердәмлеге елы». Бу тематик еллар үзара тыгыз бәйләнгән: алар безне халкыбызның чыганакларына, гореф-гадәтләренә, туган ягыбыз тарихына мөрәҗәгать итәргә этәрә.
Без, алга барырга көч табар өчен, үзебезнең тамырларыбызга мөрәҗәгать итәбез. Әлеге яңадан үзаңлау процессында мәдәният һәм сәнгать кешеләре алдынгы сызыкта тора. Без читтән күзәтеп кенә калмыйбыз, илебезгә суверен һәм ирекле дәүләт булу хокукын якларга, мөһим һәм кыйммәтле дип санаган әйберләр белән шөгыльләнергә ярдәм итә торган процесста турыдан-туры катнашабыз.
Иң мөһиме – безнең киләчәктән башлыйм. Ә киләчәк – ул, һичшиксез, безнең балалар. Ансамбльдә балалар вокаль-хореографик студиясе уңышлы эшләп килүен горурланып әйтә алам. Без бергәләп ансамбльнең «алтын фонды»ннан иң яхшы номерларга репетицияләр уздырабыз, концертларда чыгыш ясыйбыз. Безнең өчен чыннан да кадерле булган традицияләребезне һәм гореф-гадәтләребезне киләсе буынга тапшыру – бу бик мөһим», – ди ул.
Айрат Хәмитов белән тулы әңгәмәне «Интертат» сайтында укый аласыз.
