Сәясәт 19 сентябрь 2023 12:34

Айрат Фәррахов Татарстан Рәисе юлламасы турында: Ябык һәм уңайсыз темалар булмады

Скопировать ссылку

Татарстан Рәисе Рөстәм Миңнехановның республика Дәүләт Советына юлламасында агымдагы вазгыятькә профессиональ бәя бер сулышта яңгырады, анда «ябык һәм уңайсыз темалар булмады». Дәүләт Думасында Татарстаннан депутат Айрат Фәррахов социаль челтәрдәге сәхифәсендә шундый фикерен әйтте.

Фәррахов сүзләренчә, республика җитәкчесе якындагы елга конкрет бурычлар куйды. Юлламада татарстанлыларга хезмәте һәм тырышлыгы өчен рәхмәт белдерелде, Россияне саклаучыларга һәм махсус хәрби операциядә катнашучыларга баш ию, хәзерге чакыруларны җиңеп чыгу һәм Татарстан лидерлыгын арттыру юллары белдерелде, дип язган депутат.

«Казанда укытучылар скверы барлыкка килүенә бик шатмын», - ди Фәррахов, ул гаиләсенең яртылаш педагоглардан торуын әйтте. Ул киләсе елны Фәнни-технологик үсеш елы дип игълан итүне вакытында кабул ителгән карар дип атады.

«Монда хакимиятнең барлык дәрәҗәләрендә системалы эшләү җитмәде. Татарстан Фәннәр академиясе әлеге үсешнең нигезен тәшкил итәчәк. Бик системалы һәм дөрес карар! Цифрлаштыруны тирәнәйтү, торак-коммуналь өлкәдәге проблемаларны хәл итү буенча бурычлар куелды. Гражданнар мөрәҗәгатьләренең күбесе шул темага кагыла», - дип йомгаклады Фәррахов.

Татарстан Рәисе Рөстәм Миңнеханов 14 сентябрьдә республика Дәүләт Советына еллык юллама белән мөрәҗәгать итте.

#еллык юллама #Айрат Фәррахов #Рөстәм Миңнеханов

Сәхифәләр

Айрат Фәррахов Татарстан Рәисе юлламасы турында: Ябык һәм уңайсыз темалар булмады