Айрат Әхмәтшин Югары Ослан районы башкарма комитеты җитәкчесе итеп билгеләнде
Югары Ослан район советының 58нче сессиясендә депутатлар башкарма комитет җитәкчесе вазифасына Айрат Әхмәтшинның кандидатурасын бертавыштан хуплады. Әхмәтшинның тәҗрибәсен һәм район башлыгы Евгений Варакин командасында тыгыз эшләвен исәпкә алганда, әлеге вазифага аны билгеләү турында карар кабул итү мантыйкый адым булды.
Айрат Әхмәтшин югары җаваплылык шартларында үзен нәтиҗәле идарәче буларак күрсәтте – ул Луганск Халык Республикасындагы фронт яны шәһәрләре Лисичанск һәм Рубежноены торгызуда катнашты. Евгений Варакин сүзләренчә, нәкъ менә әлеге тәҗрибә аңа яңа дәрәҗәдә стратегик бурычларны хәл итүдә ярдәм итәчәк.
Әхмәтшинны әлеге вазифага билгеләү аның профессиональлегенә ышаныч югары дәрәҗәдә булуны һәм аның район алдында торган бурычларны хәл итәргә сәләтле булуын ассызыклый. Өстенлекле бурычлар арасында – тормыш сыйфатын арттыру, инфраструктураны үстерү һәм социаль-икътисади проектларны гамәлгә ашыру.
Аның җитәкчелегендә башкарма комитет дәвамлылык принципларын саклап һәм нәтиҗәгә таба йөз тотып эш итүен һәм районны тотрыклы үстерүен дәвам итәр, дип көтелә.