Айгиз Баймөхәммәтов Казахстанның мактаулы язучысы булды
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Башкортстан Язучылар берлеге рәисе, Башкортстан Республикасы Корылтае – Дәүләт Җыены депутаты Айгиз Баймөхәммәтов әдәбиятка керткән өлеше өчен «Казахстанның мактаулы язучысы» исеменә лаек булды. «Казакстанның күрметте жасушысы» бүләген аңа Алматада Казахстан Язучылар берлегенең 90 еллыгына багышланган тантаналы чарада тапшырганнар. Шулай ук язучыга казахларның милли киеме – чапан да бүләк иткәннәр дип яза «Башинформ» агентлыгы.
Казахстан Язучылар берлеге рәисе Мереке Кулькенов әйткәнчә, бу бүләк Казахстанның рухи тормышына һәм әдәбиятына саллы өлеш керткән кешеләрнең иҗатын хөрмәт итүнең ачык дәлиле булып тора.
Башкорт язучысының иҗаты Казахстанда яхшы билгеле. Айгиз Баймөхәммәтовның «Ташлама, әнкәй!» китабы казах телендә 10 тапкыр яңадан басылып чыккан. Айгиз Баймөхәммәтов тәрҗемәче буларак та билгеле, ул казах язучыларының күп кенә әсәрләрен башкорт теленә тәрҗемә итеп чыгарган. 2018 елда автор Алмата өлкәсе акимының Рәхмәт хатына да лаек булган, диелә хәбәрдә.