news_header_top
16+
news_header_bot
news_top

Җәйге каникулларда 14 яшьтән 17 яшькә кадәрге укучылар өчен хезмәт бригадалары оештыралар

Казан мәктәпләрендә җәйге каникулларда 14 яшьтән 17 яшькә кадәрге укучылар өчен хезмәт бригадалары оештыралар. Мәктәп яны территориясенә һәм оешма эчендә куелган бурычларны уңышлы үтәгән балаларга акча түләнәчәк. Бу хакта эшлекле дүшәмбедә шәһәр мәгариф идарәсе җитәкчесе Ирек Ризванов хәбәр итте.

Эшкә барлыгы 827 баланы җәлеп итәргә планлаштыралар. 13 көн дәвамында мәктәп укучылары 3 – 5 сәгать эшләячәк. 14 – 15 яшьлек балалар өчен хезмәт өчен түләү күләме 7,5 мең сумнан аз гына артыграк булачак. 16 яшьтән 17 яшькә кадәрге балалар бурычларны үтәгән өчен 8,6 мең сумга якын хезмәт хакы ала алачак, дип хәбәр итә Казан мэриясенең матбугат хезмәте.

Мәгариф оешмаларында хезмәт бригадалары турында тулырак мәгълүматны якындагы мәктәп ата-аналар җыелышларында сөйләячәкләр. Баланы эшкә сыйныф җитәкчесе аша языдырырга мөмкин, дип сөйләде шәһәр мәгариф идарәсе җитәкчесе.

news_right_1
news_right_2
news_bot