Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Айдар Метшин: Татарстан җирле үзидарәнең ике дәрәҗәле системасын саклап кала алды
Дәүләт Думасы депутаты Айдар Метшин белдергәнчә, Татарстан Рәисе позициясе һәм парламентарийларның уртак эше нәтиҗәсендә Татарстан җирле үзидарәнең ике дәрәҗәле системасын саклап кала алды. Бу хакта ул ТНВ телеканалында «7 дней» тапшыруы эфирында әйтте.
Аның сүзләренә караганда, аны бетерү мөмкинлеге турындагы мәсьәлә федераль дәрәҗәдә каралган иде.
«Сигезенче чакырылыш Татарстан өчен төп мәсьәләләрнең берсе – ике дәрәҗәле үзидарә системасын саклау. Аны бетерү каралды. Татарстан җавапсыз кала алмады. Республика Рәисе принципиаль «Юк!» сүзен әйтте. Халык җирлек башлыгына мөрәҗәгать итүгә күнеккән, ул коткаручы да, торак-коммуналь хуҗалык буенча белгеч тә, психолог та. Бу системаны куркыныч астына куйдылар», - диде Метшин.
Ул билгеләп үткәнчә, төбәк Татарстаннан Дәүләт Советы һәм Дәүләт Думасы депутатларының берләштерелгән позициясе нәтиҗәсендә гамәлдәге модельне саклап кала алды.
«Татарстан тавышы ишетелде. Нәтиҗә – кешеләрнең тормыш сыйфаты өчен эшли торган системаны саклау», - дип өстәде депутат.
Кызыклы яңалыкларны күзәтеп бару өчен Телеграм-каналга язылыгыз