Айдар Метшин республика халкын Татарстан Конституциясе көне белән котлады
Скопировать ссылку
Дәүләт Думасында Татарстаннан депутат Айдар Метшин республика халкын ТР Конституциясе көне белән котлады. Котлауны ул Телеграм-каналына куйган.
Метшин билгеләп үткәнчә, бу көн төбәк өчен аерым әһәмияткә ия, чөнки нәкъ менә Конституция гражданнарның хокукларын һәм ирекләрен гарантияли, дәүләтчелек нигезләрен билгели һәм Татарстан халыкларын берләштерә.
«Бу дата күпмилләтле республикабызның бердәмлеге, татулыгы һәм чәчәк атуы символы булсын», - дип өстәде депутат.
Мөрәҗәгать азагында Айдар Метшин татарстанлыларга ныклы сәламәтлек, иминлек һәм барлык башлангычларында уңышлар теләде.