Дин 29 ноябрь 2024 13:41

Айдар Газизов Россиядә хәләл-туризмны популярлаштырырга чакырды

Скопировать ссылку

Россиядә Көньяк-Көнчыгыш Азия илләре, шул исәптән Көньяк-Көнчыгыш Азия дәүләтләре ассоциациясенә (АСЕАН) керүче илләр арасында хәләл-туризмны популярлаштыру әлеге дәүләтләрдән туристлар агымын 30 процентка арттырырга ярдәм итәчәк. Бу хакта РИА Новости агентлыгы Россия Федерациясе мөселманнары Диния нәзарәте каршындагы «Хәләл» Халыкара стандартлаштыру һәм сертификация үзәге башлыгы Айдар Газизовка сылтама белән хәбәр итә.

Аның сүзләренчә, хәзерге вакытта төбәк илләреннән Россиягә туристлар агымы хәтта елына 50 мең кешегә дә тулмый.

«Коллегаларның тармак буенча тигез катнашуы ярдәмендә хәләл-туризм опцияләрен популярлаштыру, безнең бәяләүләр буенча, әлеге санны ким дигәндә 30 процентка арттырырга мөмкин», - диде Газизов «Мөмкинлекләр дөньясы: Россия-АСЕАН» халыкара бизнес-форумы кысаларында.

«Чит ил туристларын җәлеп итү – комплекслы процесс. Туры авиаэлемтәне җайга салырга, акчасыз түләүнең альтернатив алымнарын табарга, Көньяк-Көнчыгыш Азия илләрендәге безнең партнерлар өчен визага бәйле чикләүләрне өстәмә рәвештә җиңеләйтергә кирәк», - дип искәртте Газизов.

Ул, беренче чиратта, Индонезия һәм Малайзия туристларын җәлеп итеп булачагына ышаныч белдерде.

Сәхифәләр

Айдар Газизов Россиядә хәләл-туризмны популярлаштырырга чакырды