Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Җәй көне Чаллыда Студентлар отрядларының бөтенроссия слеты узачак
2026 елның июнь ахырында Чаллыда Студентлар отрядларының бөтенроссия слеты узачак. Чара Яшьләр көненә, Чаллының 400 еллыгына һәм беренче КАМАЗ машинасының 50 еллыгына багышлана. Бу хакта «Челнинские известия»гә Татарстанның Яшьләр эшләре буенча министры Азат Кадыйров хәбәр итте.
Ведомство башлыгы билгеләп үткәнчә, слет июньнең соңгы көннәренә планлаштырылган. Оештыручылар аны 27 июньдә билгеләп үтелә торган Яшьләр көне белән берләштерергә ниятли. Министр сүзләренә караганда, КАМАЗ һәм шәһәр төзелеше ветераннарын, шулай ук студентларны һәм яшьләрне бергәләп тарихка чумарга, заводның һәм автошәһәрнең ничек төзелүен белергә чакыру планлаштырыла.
Слетта катнашучылар автогигант предприятиеләренә, шәһәр музейларына һәм юбилей даталарына багышланган махсус театральләштерелгән спектакльләргә бара алачак.
Студентлар отрядларының бөтенроссия слеты – ел саен үткәрелә торган төп форум, анда хезмәт елына йомгак ясала, иң яхшы отрядларны һәм төбәкләрне хөрмәтлиләр, шулай ук бөтен илдән меңләгән катнашучыларны берләштерүче фестивальләр уздыралар. Чара ел саен төрле шәһәрләрдә «Яшьләр һәм балалар» илкүләм проекты кысаларында уза.
Кызыклы яңалыкларны күзәтеп бару өчен Телеграм-каналга язылыгыз